बन्दमा सवारी साधन नपाएपछि पैदल हि‌डदै गरेका यात्रु त्रिपुरेश्वरमा ।

एमाओवादीसहितको ३० दलीय मोर्चा र नेकपा–माओवादीले २९ भदौमा छुट्टाछुट्टै आह्वान गरेको बन्दका कारण सर्वसाधारणले सास्ती पाएका छन् ।
शैक्षिक संस्था, कलकारखाना, पसल, बजार बन्द रहे भने न्यून संख्यामा मात्र यातायात चल्दा यात्रुहरु पैदल नै हिडिरहेका भेटिए ।

बन्दको विरोधमा काठमाडौंको नयाँ बानेश्वरमा प्रदर्शन गर्दै सर्वसाधारण ।

बन्दको बिरोधमा सवारी साधन लिएरै सडकमा उत्रने सर्वसाधारणको संख्या पनि अन्य बन्दहरु भन्दा बढी नै देखियो ।

राजधानीको नयाँ बानेश्वर, माइतीघर मण्डला लगायतका ठाउँमा सर्वसाधारणले बन्दबिरुद्ध प्लेकार्डसहित बिरोध गरे ।

नयाँ बानेश्वरमा बन्द विरोधि र बन्द गराउँदै हि‌डेका कार्यकर्ताबीच केही बेर भनाभन् समेत भएको थियो ।

नयाँ बानेश्वरमा भने बन्दकर्ता र बन्दको बिरोधमा उत्रिएका सर्वसाधारणबीच विवाद हुँदा प्रहरीले हस्तक्षेप गर्नुपरेको थियो ।

बन्दकर्ताले भक्तपुरमा रफत सञ्चार क्लबका अध्यक्ष एवम् सगरमाथा टेलिभिजनका पत्रकार सुशीलबन्धु थापामाथि आक्रमण गरे ।

बन्दकर्ताले मोटरसाइकल चलाउन नदिएपछि सानो नानीलाई राखेर मोटरसाइकल डोर्‍याउँदै गरेका यात्रु ।

२९ पुस बिहानै सार्वजनिक यातायात ‘साझा’को बसलाई बन्दकर्ताले ठाउँ ठाउँमा केही बेर रोके पनि साझाले दिनभर यात्रुहरुलाई सेवा पु¥याएको थियो । दोलखामा भने बन्दको प्रभाव नपरेपछि दिउँसो एक बजे नै बन्दका आयोजकले फिर्ता लिए ।

एयरपोर्ट नजिक सिनामङ्गलमा रिक्सामा गन्तब्यतर्फ जाँदै गरेका यात्रु ।

बन्दकर्ताले स्कूल बस र पर्यटकको गाडीमाथि पनि आक्रमण गरेका थिए । महोत्तरीको जलेश्वरमा पर्यटक बोकेको भारतीय गाडी मोर्चाका कार्यकर्ताले तोडफोड गरे भने विराटनगरस्थित सिटी कलेजको गाडी तोडफोड गरेका थिए ।

माइतीघरमा बन्दविरोधि प्रदर्शन गर्दै ‘विवेकशिल नेपाली’ को समूह ।

मुख छोपेर आएका बन्दकर्ताले शिक्षक तथा विद्यार्थीमाथि समेत कुटपिट गरेका थिए ।

बन्द गराउन हिंडेका ३० दलीय मोर्चाका कार्यकर्ता

तस्बीरहरु सबै: बिक्रम राई

प्रतिकृया दिनुहोस