थप समाचारबुधबार, पौष ३०, २०७१
आगो लगाएर महिलाको हत्या
कैलालीको जोशीपुरमा एक महिलाको आगो लगाएर हत्या भएको छ । जोशीपुर गाविस–८ घुसरी गाउँकी मीरा कठरियाको आगो लगाइ हत्या भएको हो ।
उनका श्रीमान् महेन्द्र कठरियाले आगो लगाएर श्रीमतीको हत्या गरेको जिल्ला प्रहरी कार्यालय कैलालीले जनाएको छ । प्रारम्भिक अनुसन्धानमा २८ पुस राति महेन्द्रले घरको आँगनमा श्रीमतीको शरीरमा गहुँको भुसा र मट्टितेल खन्याएर आगो लगाएको फेला परेको कार्यालयको भनाइ छ ।
गाउँ नजिकै लागेको मेलामा मदिरा सेवर गरेर फर्किएका उनले आगो लगाएको स्वीकारेको इलाका प्रहरी कार्यालय भजनीका प्रहरी निरीक्षक भरत शाहले बताए । महेन्द्रको आँगनमा आगो दन्किएको खबर गाउँलेले राति नै दिएपछि प्रहरी टोली घटनास्थल पुगेको थियो ।
तर, टोली घटनास्थलमा पुग्दा मीराको मृत्यु भइसकेको प्रहरीको भनाइ छ । प्रहरीले महेन्द्रलाई हिरासतमा लिएको छ ।
रासस