उच्च माध्यमिक शिक्षा परिषदले कक्षा ११ को परीक्षाफल सार्वजनिक गरेको छ । परिषदले केहिबेर अघि परीक्षाफल सार्वजनिक गरेको हो ।

परिषदका अनुसार नियमिततर्फ ४७.२६ प्रतिशत (१ लाख ६ हजार ५१७) उत्तीर्ण भएका छन् । नियमिततर्फ २ लाख २५ हजार ३७३ विद्यार्थी सहभागी भएका थिए ।

आंशिकतर्फ भने ३३.१५ प्रतिशत (४६ हजार ९३३) परीक्षार्थी उत्तीर्ण भएका छन् । परीक्षामा आंशिकतर्फ १ लाख ४१ हजार ५७० विद्यार्थी सहभागी थिए ।

गत वर्ष नियमिततर्फ ४० प्रतिशत र आंशिकतर्फ ३२.९३ प्रतिशत विद्यार्थी उत्तीर्ण भएका थिए ।

यस वर्ष नियमितर्फ ७ जनाको परीक्षा स्थगित, ४३ विद्यार्थीको रद्द भएको परिषदले जनाएको छ । यस्तै, आंशिकतर्फ २९ विद्यार्थीको स्थगित र ४४ विद्यार्थीको परीक्षा रद्द भएको छ ।

परीक्षाफल थाहा पाउन www.hseb.ntc.net.np अथवा www.hseb.edu.np मा क्लिक गरेर थाहा पाउन सकिन्छ ।

प्रतिकृया दिनुहोस