थप समाचारमंगलबार, माघ १३, २०७१

मलेसिया र साउदीमा ३ नेपालीको शव अलपत्र

हिमालखबर

विदेशमा मृत्यु हुने आफन्तको शव ल्याउन तथा क्षतिपूर्तिको बारेमा जानकारी दिंदै सुरक्षित आप्रवासन परामर्श तथा सूचना केन्द्र कावासोतीकी परामर्शदता रञ्जना लम्साल । तस्वीरः विद्रोही गिरी

विदेशमा मृत्यु हुने आफन्तको शव ल्याउन तथा क्षतिपूर्तिको बारेमा जानकारी दिंदै सुरक्षित आप्रवासन परामर्श तथा सूचना केन्द्र कावासोतीकी परामर्शदता रञ्जना लम्साल । तस्वीरः विद्रोही गिरी

वैदेशिक रोजगारीको सिलसिलामा मलेसिया र साउदी अरबमा मृत्यु भएका तीन नेपालीको शव अलपत्र परेको छ । एक साताको अवधिमा मलेसिया र साउदी अरबमा मृत्यु भएका तीन नेपाली कामदारको शव अलपत्र परेको हो ।

विदेशमा शव अलपत्र भएपछि मृतकका आफन्तको शव झिकाइदिन नवलपरासी कावासोतीस्थित सुरक्षित आप्रवासन सूचना तथा परामर्श केन्द्रमा आग्रह गरेका छन् ।

डेढ वर्ष अघि मलेसिया पुगेका नवलपरासी तम्सरिया–५ का ४४ वर्षीय झिन्का थारुको मृत्यु भएको छ । उनको ४ माघमा अचानक मृत्यु भएको खबर आएको आफन्त युगनारायण थारुले बताए ।

थारुले आफन्तको शव झिकाइदिन आग्रह गरेको सूचना केन्द्रकी परामर्शदाता रञ्जना लम्सालले जानकारी दिइन् । यस्तै, मलेसियामा मृत्यु भएका नवलपरासी कोल्हुवा–३ का ३२ वर्षीय पूर्णबहादुर विकको शव पनि झिकाइदिन आफन्तले केन्द्रसँग आग्रह गरेका छन् ।

विकको १० माघमा दुर्घटनामा परेर मृत्यु भएको थियो ।

सूचना केन्द्रमा साउदी अरबमा रोजगारीको सिलसिलामा मृत्यु भएका कपिलवस्तु पट्ना—८ का हरिबहादुर चौधरीको शव झिकाइदिन पनि निवेदन परेको छ । चौधरीको २ माघमा मृत्यु भएको थियो ।

नौ महीनाको अवधिमा १८ जनाको शव नेपाल ल्याउन पहल गरेको सूचना केन्द्रकी परामर्शदाता लम्सालले जानकारी दिइन् । विदेशमा अलपत्र परेको शव प्रवासी नेपाली समन्वय समिति, सामी हेल्भेटास र सम्बन्धित दुतावासको सहयोगमा ल्याउने गरिएको उनको भनाइ छ ।

विद्रोही गिरी, नवलपरासी

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...