जिल्लाअस्पताल धनकुटामा सुजाता परियार

अपरिचितको आक्रमणबाट गम्भीर घाईते भएकी धनकुटाको जितपुर–६ की ११ बर्षीया आर्थिक अभावमा अलपत्र परेकी छन् ।

१२ माघमा अपरिचितको आक्रमणबाट टाउकोमा चोट लागेर अचेत बनेकी सुजाता परियार आर्थिक अवस्था कमजोर हुँदा विराटनगरको न्यूरो अस्पतालबाट उपचार बिना नै घर फर्काइएकी हुन् ।

अस्पतालले उपचारका लागि रु ९ लाख लाग्ने बताएपछि उनलाई उपचार नगरी जिल्ला अस्पताल धनकुटा ल्याईएकोमा चन्दा संकलन गरेर १५ माघमा नोबेल मेडिकल कलेज विराटनगर लगिएको छ ।

“अहिलेसम्म १ लाख लागिसक्यो, बाँकी पैसा म एक्लीले कहाँबाट जुटाउनु,” बालिकाकी आमा चन्द्रकुमारी परियार भन्छिन् ।

पतिको पहिले नै मृत्यु भईसकेको र आफु एक्लीले गर्न नसक्ने बताउँदै चन्द्रकुमारीले भनिन्, “मेरो भएजति सबै सकियो, कसैको दया भए मेरी छोरीलाई बचाई दिन आग्रह गर्दछु ।”

चन्द्रकुमारी दाउरा लिन गएका बेला सुजातामाथि आक्रमण भएको थियो । हालसम्म कसले र किन आक्रमण गरेको भन्ने बारेमा केही खुल्न नसकेको जिल्ला प्रहरी कार्यालय धनकुटाका सई दिनेश अधिकारीले बताए ।
सन्तोष रुचाल÷धनकुटा

प्रतिकृया दिनुहोस