तस्वीर: दीर्घराज उपाध्याय

देश कै सर्वाधिक धनराशीको क्रिकेट प्रतियोगिता ‘होटल डिभोटी एसपीए कप २०१५’ अन्तर्गत १६ माघमा भएको उद्घाटन खेलमा डिफेन्डिंग च्याम्पियन पेन्टागनले विजयी सुरुवात गरेको छ ।

स्टार खेलाडीहरुले भरिएको टीम पेण्टागनले आफ्नो पहिलो खेलमा डडेल्धुराको महेन्द्रनूुना उमावीलाई ५ विकेटले पराजित ग¥यो । विनोद भण्डारीले ३१ बलमा ५३ रन बनाएपछि पेण्टागनले सहजै जीत हात पारेको होे ।

टस जितेर पहिले ब्याटिंगको निर्णय गरेको महेन्द्र नमूनाका पछिल्ला क्रमका कुनैपनि ब्याट्सम्यान चल्न नसकेपछि उसले १८.५ ओभरमा सबै विकेट गुमाउँदै १२४ रनमा सिमित भयो ।

महेन्द्र नमूनाको स्कोरमा ओपनर रोशन नेपाली एक्लैले ५ चौका र ३ छक्काको मद्दतमा ४४(२८) रन बनाए ।

पहिलो विकेटका रुपमा दिक्षान्सु नेगीलाई ५ रनमा गुमाएको महेन्द्रनमूनाका विक्रम थलालले २४ रन बनाएर खेल सम्हाल्ने प्रयास गरे पनि उनी पछिका कुनै पनि ब्याट्सम्यान चल्न सकेनन । टीमका लािग दिपेश श्रेष्ठले १२, तथा दिलिप नाथले १० रन बनाए ।

पेण्टागनका लागि राहुल विश्वकर्माले ४, चन्द्र साउदले ३ तथा सागर पुनले २ विकेट लिए ।

पेण्टागनका ओपनर सागर पुनले २१ रन बनाए भने विनोद भण्डारीले ५ चौका र ४ छक्काको मदतले ५३ रन जोड्दा पेण्टागनको जीत सहज भयो । त्यस्तै नरेश बुढाऐरले ५ चौका सहित ३९ रन बनाएपछि पेण्टागनले १३.६ ओभरमा ५ विकेट बाकी रहदै जीत हात पार्‍यो ।

तस्वीर: दीर्घराज उपाध्याय

प्रतियोगितामा पेन्टागनका विनोद भण्डारी मेन अफ दी म्याच घोषित भए ।

१७ माघ विहान जेभिएर ईन्टरनेशनल काठमाण्डौ र सनराईज कलेज कञ्चनपुर तथा दिउँसो न्यु होराईजन बुटवल र कैलाली बहुमुखी क्याम्पस धनगढीबीच खेल हुनेछ ।

प्रतियोगितको उदघाटन सिंचाई मन्त्री एनपी साउदले गरेका थिए ।
दीर्घराज उपाध्याय, कैलाली

प्रतिकृया दिनुहोस