इस्लामिक आतङ्कवादी समूह आर्इएसले अर्को जापानी नागरिक पत्रकार केन्जी गोतोको हत्या गरेको भिडियो सार्वजनिक गरेको छ । आईएसले भिडियो सार्वजनिक गरेपछि जापानी प्रधानमन्त्री सिन्जो आबेले १८ माघमा हत्याप्रति कडा प्रतिक्रिया दिएका छन् ।

उनले इस्लामिक स्टेटविरुद्ध लगिरहेका देशलाई सहयोग बढाउने बताएको अन्तर्राष्ट्रिय सञ्चारमाध्यमले जनाएका छन् । सिन्जो आबेले जापानले आतंकवादसँग हार नमान्ने पनि प्रतिक्रिया दिएका छन् ।

साता दिन अघि आईएसले जापानी नागरिक हरुना याकुनाको हत्या गरेको भिडियो सार्वजनिक गरेको थियो । आफूविरुद्ध लड्न सहयोग गरेकाले जापानी नागरिकको हत्या गरेको इस्लामिक स्टेटले बताउँदै आएको छ ।

आईएसले १७ माघमा सार्वजनिक गरेको भिडियो ६७ सेकेन्डको छ । भिडियोमा पत्रकार केन्जी गोतो जस्तै देखिने व्यक्ति सुन्तले रङ्को कपडामा भुइँमा घुँडा टेकेर उभिएको र सो व्यक्तिको पछाडि सर्वाङ्ग कालो लुगा र मुखमा नकाबसमेत लगाई हातमा छुरा लिएर चम्काइरहेको एक व्यक्तिलाई देखाइएको छ ।

प्रतिकृया दिनुहोस