फिल्ममा अभिनय शुरु गर्नुअघि भारतीय अभिनेता अमिताभ बच्चन अल इंडिया रेडियोमा कार्यक्रम प्रस्तोता बन्न चाहन्थे । त्यसबेला अडिशनमा फेल भएका बच्चन अहिले ४० वर्षपछि फेरि माइकमा बोल्ने भएका छन् ।

बच्चनले भारत र पाकिस्तानबीच हुने विश्व कप क्रिकेट प्रतियोगिताको कमेन्ट्री गर्ने भएका हुन् ।

उनले ‘क्रिकेट प्रेम’ ले नभई आफ्नो फिल्म ‘षमिताभ’ को प्रमोशनका लागि कमेन्ट्री गर्ने भएका हुन् । १५ फेब्रुअरीमा भारत र पाकिस्तानबीच खेल हुँदैछ ।

उनी कपिल देव र शोयब अख्तरजस्ता भूतपूर्व खेलाडीहरुसँगै कमेन्ट्री बक्समा हुनेछन् ।

फिल्मको प्रोडक्सन टिमका अनुसार भारत–पाकिस्तान म्याचको लोकप्रियतालाई क्यास गर्न यो उत्तम तरिका हो ।

अमिताभ बच्चन भन्छन, “सबै भारतीयहरुमा फिल्म र क्रिकेटलाई लिएर एउटै भावना छ, कमेन्ट्रीको कुराले म उत्साहित छु ।”
सञ्चारमाध्यमहरुबाट

प्रतिकृया दिनुहोस