नेपाली संगीत क्षेत्रको बृहत जानकारी समेटिएको ‘नेपाली सङ्गीतको अभिलेख’ विमोचन भएको छ । बुलु मुकारुङद्वारा लिखित पुस्तकको २२ माघमा विमोचन भएको हो ।

पाल्पा बुक्सले प्रकाशन गरेको पुस्तकमा नेपाली गीत–सङ्गीत क्षेत्रमा योगदान पुर्‍याएका अहिलेसम्मका स्रष्टाको संक्षिप्त विवरण समेटिएको छ ।

८४८ पृष्ठको पुस्तकमा विगतदेखि अहिलेसम्मका गायक–गायिका, संगीतकार, गीतकार, वाद्यवादक, शास्त्रीय संगीत, लय संकलक लगायतको जानकारी छ ।

पुस्तकमा केही अग्रज संगीतकर्मीका श्यामश्वेत तस्वीर पनि राखिएको छ । कार्यक्रममा लेखक मुकारुङले नेपाली गीत–संगीतको इतिहास संरक्षणका लागि पहल गरेको बताए ।

‘नेपाली सङ्गीतको अभिलेख’ को पुस्तकबाट

प्रतिकृया दिनुहोस