संविधान निर्माणमा दलहरुबीच देखिएको विवाद समाधानका लागि पहल गरिरहेका राष्ट्रपति रामवरण यादवले एमाओवादी अध्यक्ष पुष्पकमल दाहाललाई शीतल निवास बोलाई छलफल गरेका छन् ।

यसअघि सत्तारुढ दलका नेताहरुसँग छलफल गरेका राष्ट्रपतिले वार्ता र सम्वादबाटै समस्याको समाधान निस्कने भन्दै सहमतिका लागि प्रयत्न गर्न दाहाललाई आग्रह गरे ।

आन्दोलनरत मोर्चाका संयोजकसमेत रहेका दाहालले आन्दोलनमा जानु आफ्नो बाध्यता रहेको बताए ।

उनले सत्तारुढ दलहरु दुईतीहाईको दम्भमा एकलौटी ढंगले चलेको बताउँदै उनीहरुले सहमतिका लागि ठोस पहलसमेत नगरेको उल्लेख गरे ।

यसैबीच विपक्षीलाई वर्तामा ल्याउने विषयमा सत्तासिन दलहरुको बैठक आज २३ माघमा बस्दैछ ।

प्रधानमन्त्री निवास बालुवाटारमा बोलाइएको बैठकमा राष्ट्रपतिसँग भएको सम्वाद, विपक्षी मोर्चाले राखिरहेका मागका विषयमा छलफल गरि साझा धारणा तय गर्ने र मोर्चालाई वार्तामा ल्याउने विषयमा दलहरुबीच साझा धारणा बनाउने कांग्रेसका प्रवक्ता दिलेन्द्रप्रसाद बडुले जानकारी दिएका छन् ।

प्रतिकृया दिनुहोस