पर्साको सबैठवा–२ पोखरिया टोलकी मतीदेवी रामलाई उनकी बुहारी २५ वर्षीया सुमनदेवी रामको हत्या गरेको आरोपमा २५ माघ राति पक्राउ गरिएको इलाका प्रहरी कार्यालय पोखरियाले जनाएको छ । प्रहरीका अनुसार छोरा किशोर रामकी श्रीमती सुमनदेवीको मतीदेवीले गत २३ माघमा घाँटी रेटेर हत्या गरेकी थिइन् ।

सुमन देवीको शव नजिकैको उखुबारीमा फालेको अवस्थामा इलाका प्रहरी कार्यालय पोखरिया र सशस्त्र प्रहरी बेस क्याम्प सबैठवाले बरामद गरेको इलाका प्रहरी कार्यालय पोखरियाका प्रहरी निरीक्षक निशान थापाले जानकारी दिए ।

पक्राउ परेकी मतीदेवीलाई आवश्यक अनुसन्धानका लागि इलाका प्रहरी कार्यालय पोखरियामा राखिएको र शव परीक्षणका लागि नारायणी उपक्षेत्रीय अस्पतालमा पठाइएको इलाका प्रहरी कार्यालयले जनाएको छ ।
मृतकका श्रीमान् किशोर भने वैदेशिक रोजगारीको सिलसिलामा खाडी मुलुकमा रहेको बताइएको छ ।
रासस

प्रतिकृया दिनुहोस