सिरहाको गोलबजार नगरपालिका–२ चोहर्वामा एक नवविवाहिता महिलाको जलाएर हत्या गरिएको छ । घरको कोठामा आगो लगाएर २६ माघमा महिलाको हत्या भएको हो ।

शरीरमा मट्टीतेल छर्किएर आगो लगाएपछि २३ वर्षीया सरिता सहनीको मृत्यु भएको स्थानीय रामभरोसी यादवले जानकारी दिए ।गत मङ्सिरमा विवाह भएकी सहनी आफैँले शरीरमा आगो लगाएर आत्महत्या गरेको उनको परिवारको दावी छ ।

तर उनका पति सीताराम सहनी भने घरका अन्य सदस्यसहित फरार छन् । मृतक सहनीकोे शव परीक्षणका लागि जिल्ला अस्पताल सिरहा लगिने इलाका प्रहरी कार्यालय गोलबजारका प्रहरी निरीक्षक सन्तोष निरौलाले जानकारी दिए ।

उनकाअनुसार घटनास्थल प्रकृति मुचुल्कासहित शव परीक्षणका लागि पठाइएपछि अनुसन्धानको प्रक्रिया अगाडि बढाइने छ ।
रासस

प्रतिकृया दिनुहोस