-ऋषिराम कट्टेल

गायक आनन्द कार्कीले भ्यालेन्टाइन्स डेमा रोमान्टिक गीत गाएर दर्शकहरुलाई मनोरञ्जन दिने भएका छन् ।

सदावहार गायक कार्कीले १४ फेब्रुअरी (शनिवार) कै दिन एकल गायन कार्यक्रममा आफ्ना कालजयी गीत प्रस्तुत गर्न लागेका हुन् ।

रोटरी क्लब अफ जावलाखेलले होटल याक एण्ड यतिमा आयोजना गर्ने ‘एन इभिनिङ विद आनन्द कार्की: द म्युजिकल इभेन्ट’ मा गायक कार्कीले करीव डेढ दर्जन गीत गाउनेछन् ।

उनले ‘भरे आउ“छु सपनीमा’, ‘यी हल्लाहरु हुन्’, ‘गए जाला ज्यान’सहितका गीतहरु गाउनेछन् ।

गायक कार्कीको एकल गायन कार्यक्रममा गायिका सविना कार्कीले पनि साथ दिने भएकी छिन् । सविनाले केही एकल र कार्कीलाई युगल गीतमा साथ दिनेछिन् ।

एकल गायनमा सात जना बाद्यवादकहरुले लाइभ म्युजिकमार्फत गायक–गायिकाहरुलाई साथ दिनेछन् ।

सांगीतिक समुह भ्वाइस द ब्याकअप ब्याण्डका संगीतकर्मीहरु वाद्यवादकको रुपमा सहभागी हु“दैछन् ।

प्रतिकृया दिनुहोस