भारतीय राष्ट्रपति प्रणव मुखर्जीले नेपाल स्काउटका पूर्व प्रमुख एवम् विश्व स्काउटका एशिया–प्रशान्त क्षेत्रीय समितिका प्रथम उपाध्यक्ष श्रीराम लामिछानेलाई भारतीय स्काउटको सर्वोच्च पदकले विभूषित गरेका छन् ।

राष्ट्रपति मुखर्जीले ४ फागुनमा नयाँ दिल्लीस्थित राष्ट्रपति भवनमा आयोजित विशेष समारोहमा भारत स्काउट तथा गाइड्स एसोसिएसनको सर्वोच्च पदक सिल्भर एलिफेन्ट (चाँदीको हात्ती) बाट विभूषित गरेका हुन् ।

उनले एशिया–प्रशान्त क्षेत्रमा स्काउटको विकासमा पुर्‍याएको योगदानको कदरस्वरुप सम्मान प्रदान गरिएको भारतीय स्काउटले जनाएको छ ।

सिल्भर एलिफेन्ट स्काउटको उच्च पदक हो र यो पदक पाउने लामिछाने पहिलो नेपाली हुन् । उनले यसअघि पनि एशिया तथा प्रशान्त क्षेत्रका विभिन्न देशबाट यस्ता उच्च पदक प्राप्त गरेका छन् ।
रासस

प्रतिकृया दिनुहोस