वरिष्ठ नाक, कान, घाँटी रोग विशेषज्ञ एवम् नेपालका पहिलो एफआरसिएस (फेलो अफ रोयल कलेज अफ सर्जरी, बेलायत) प्राध्यापक डा जिष्णु रिजालको ८४ वर्षको उमेरमा ६ फागुनमा निधन भएको छ ।

रिजाल बेलायतबाट एफआरसीएस गरेपछि नेपाल मेडिकल काउन्सिलमा दर्ता हुने पहिलो नेपाली चिकित्सक पनि हुन् ।

बेलायतबाट विशेषज्ञ चिकित्सकसम्मको उपाधि लिएका उनले सन् १९६६ मा वीर अस्पतालबाट सेवा शुरु गरेका थिए । सन् २००० पछि नेपाल मेडिकल कलेजमा प्राध्यापन गर्दै आएका उनी उक्त कलेजका संस्थापकसमेत हुन् ।

उपचारका लागि ओम अस्पतालमा भर्ना भएका डा. रिजालको उपचारका क्रममा निधन भएको हो ।

स्व. रिजालका श्रीमती र दुई छोरा छन् । उनका छोरा डा अञ्जन रिजाल नेपाल मेडिकल कलेजका उपप्रमुख हुन् । रासस

प्रतिकृया दिनुहोस