सिमरामा बीच सडकमा बसेर यातायात अवरुद्ध पारिंदै । तस्वीर: श्याम गुप्ता

कलैयामा गरिएको आन्दोलनको दबाबमा सिमरामा मालपोत, नापी र भूमिसुधार कार्यालय स्थापना गर्ने निर्णय सरकारले फिर्ता लिएपछि आन्दोलित सिमराबासीले ८ फागुनदेखि आमहडतालको घोषणा गरेका छन् ।

वीरगञ्ज पथलैया औद्योगिक करिडोरमा पर्ने बाराको सिमरासहित आसपासका १२ गाविसका वासिन्दाले सिमरामा मालपोत, नापी तथा भूमिसुधार कार्यालयको शाखा स्थापना गर्न माग गर्दै पाँच दिनदेखि आन्दोलन भइरहेको छ ।

सरकारले एकीकृत सेवा केन्द्रको अवधारणा अनुसार सिमरामा मालपोत, नापी र भूमिसुधार कार्यालय स्थापना गर्ने निर्णय गरेपछि कलैयाबासीले त्यसको विरोधमा आन्दोलन थालेका थिए भने आन्दोलनको दबाबमा सरकारले आफूले गरेको निर्णय फिर्ता लिएको थियो ।

आन्दोलनकारीले ७ फागुनमा सिमरा बजार पूर्ण बन्द गर्नुका साथै राजमार्ग समेत अवरोध गरेका थिए ।

आन्दोलनका कारण सिमरा बजार पूर्ण रुपमा बन्द हुनुुका साथै राजमार्ग अवरुद्ध भएपछि बिभिन्न स्थानका यात्रुहरु पैदल नैं गन्तब्य तर्फ जान बाध्य भएका छन् ।
श्याम गुप्ता, बारा

प्रतिकृया दिनुहोस