फिल्म ‘रेशम फिलिली’ रिलिज हुनुअघि नै यसका गीत चर्चित छन् । कालीप्रसाद र सौम्या बराइलीको स्वर रहेको ‘जालमा’ गीत युट्युबमा झण्डै आठ लाख पटक हेरिएको छ ।

गीत चलेकोमा गायिका सौम्या खुशी त छन् नै, दोधारमा पनि परेकी छन् ।

बीए पहिलो वर्षमा अध्ययनरत् उनी उच्च शिक्षाका लागि विदेश जाने सोचमा थिइन् । तर, अहिले धेरै गीतको अफर आउन थालेका छन् ।

“यस्तो बेला बाहिर जाऊँ कि नजाऊँ, सोच्न सकेकी छैन”, उनी भन्छिन् ।

फिल्मका ‘रेशम फिलिली,’ ‘लेट्स गेट लकी टुनाइट’ र ‘जानिनँ कि मैले’ जस्ता गीत पनि रुचाइएका छन् ।

गीत झैं फिल्म पनि रुचाइने हो होइन, हेर्न बाँकी नै छ ।

प्रतिकृया दिनुहोस