युवा संघ नेपालभित्रको विवाद चर्किदै जाँदा बरिष्ठ उपाध्यक्ष दिल पन्त नेतृत्वको समूहले संघका अध्यक्ष एवम् उद्योगमन्त्री महेश बस्नेत, उपाध्यक्ष निरुपाल, महासचिव राजिब पहारीसँग स्पष्टिकरण सोध्ने निर्णय गरेको छ ।

११ र १२ फागुनमा बसेको संघको पाँचौ पूर्ण बैठकले स्पष्टीकरण साेध्ने निर्णय गरेकाे १३ फागुनमा रिपोर्टर्स क्लब नेपालमा पत्रकार सम्मेलन गरेर पन्तले जानकारी दिइन् ।

उद्योगमन्त्री बनेका संघका अध्यक्ष बस्नेतले मनोमानी ढंगले उपाध्यक्ष निरुपाललाई अध्यक्ष बनाउने निर्णय लिएपछि विरोधमा उत्रिएका पन्त समूहको निर्णय सच्याउनु पर्ने मागको बेवास्ता गरेपछि उनीहरु स्पष्टिकरण सोध्ने निर्णयमा पुगेका हुन ।

बैठकले २१ माघमा स्वेच्छाचारी निर्णय केन्द्रीय समितिबाट सच्याउनुको साटो अनुमोदन गरेकोले त्यसका विरुद्ध आगामी ७ र ८ चैतमा काठमाडौमा राष्ट्रिय कार्यकर्ता भेला गर्ने निर्णय समेत गरेको छ ।

बैठकले राष्ट्रिय कार्यकर्ता भेला सम्पन्न गर्न संघका बरिष्ठ उपाध्यक्ष दिलु पन्तको संयोजकत्वमा केन्द्रीय कमिटिका सचिवहरु, केन्द्रीय सदस्यहरु, लेखा र अनुशासन समितिका सदस्यहरु, अञ्चल अध्यक्ष, केन्द्रीय विभागका सचिवहरु रहेको मुल ब्यवस्थापन समिति गठन गरेको छ ।

प्रतिकृया दिनुहोस