-श्रवणकुमार देव, राजविराज

सप्तरीको छुट्टाछुट्टै ठाउँमा भएको सबारी दुर्घटनामा तीन जनाको मृत्यु भएको छ ।

१४ फागुनको राति भएको छुट्टाछुट्टै दुर्घटनामा तीन जनाको मृत्यु भएको प्रहरीले जनाएको छ ।

पूर्व पश्चिम राजमार्ग अन्तर्गत कल्याणपुर–२, मा पूर्वतिर जादै गरेको ना.५ख १७७७ नम्बरको बसले स.२ प ३१२१ नम्बरको मोटरसाइकललाई ठक्कर दिदा हनुमाननगर–४, सिराहाका २३ बर्षीय रामचन्द्र चौधरीको मृत्यु भएको छ ।

यस्तै, दौलतपुर–५, स्थित कदमाहा सडकखण्डमा बा. ३२ प ६४९१ नम्बरको मोटरसाइकलको ठककरबाट स्थानीय ६० बर्षीया गंगादेवी रामको मृत्यु भएको छ भने दौलतपुर–७ स्थित महुलियामा ट्याक्टर पल्टिदा चालकको मृत्यु भएको छ ।

बलान खोलाबाट ढुंगा लोड गरी कडोरबना लैजाने क्रममा स. १ त १८३८ नम्बरको ट्रयाक्टर पल्टिदा ट्याक्टरको ईन्जिनले किचेर हर्दिया–६ का ३५ बर्षीय कुमार परियार मृत्यु भएको छ ।

प्रतिकृया दिनुहोस