बलिउड अभिनेत्री सोनम कपूर पनि स्वाइन फ़्लूको शिकार भएकी छन् ।

समाचार एजेंसी पीटीआईका अनुसार कपूरलाई उपचारका लागि मुंबईस्थित राजकोट अस्पतालमा भर्ना गरिएकोमा अहिले उनलाई कोकिलाबेन अस्पतालमा सारिएको छ र उनको अवस्था स्थिर छ ।

गुजरात में अपनी आगामी फिल्म ‘प्रेम रतन धन पायो’ को शूटिंगका क्रममा सोनम कपूर बीरामी परेकी थिइन् ।

उनलाई पहिले गुजरातकै स्टर्लिंग अस्पतालमा भर्ना गरिएकोमा एच वन एन वन परिक्षण रिपोर्ट पोज़िटिव देखिएपछि एयरलिफ्ट गरेर मुंबई ल्याइएको थियो ।

सोनम सँगै शुटिंग गरिरहेका सलमान ख़ानको समेत एच वन एन वन परिक्षण गर्दा उनको भने निगेटिव रिपोर्ट आएको थियो । यसअघि गुजरातका स्वास्थ्य राज्यमन्त्री शंकर चौधरीमा पनि  एच वन एन वनको संक्रमण देखिएको थियो ।
नेपालमा १७ फागुनमा एक महिलाको एच वन एन वन भाइरस संक्रमण बाटै मृत्यु भएको छ ।

काठमाडौंकै स्थायी वासिन्दा र हालसालै बाहिर पनि नगएकी उनी विरामी परेपछि मोडेल अस्पतालमा भर्ना गरिएको थियो ।

नेपालमा अहिलेसम्म १५ जनाभन्दा बढी व्यक्ति सङ्क्रमित भइसकेको स्वास्थ्य मन्त्रालय स्रोतले जनाएको छ ।

विशेष गरी जाडोको समय सकिने र गर्मीयाम शुरु हुने समयमा स्वाइन फ्लु देखापर्छ ।

भारतमा स्वाइन फ्लुका कारण हालसम्म ८०० को मृत्यु भइसकेको छ भने करिब ११ हजारभन्दा बढीमा सङ्क्रमण भएको प्रमाणित भइसकेको छ ।

प्रतिकृया दिनुहोस