पूर्वसभासद् शान्ता चौधरीले सरकारले दिएको उपचार खर्च फिर्ता गर्ने बताएकी  छन् ।

क्यान्सर पीडित चौधरीलाई सरकारले उपचारका लागि दिएको रु. पाँच लाख खर्च नभएकाले उनले फिर्ता गर्ने भएकी  हुन् ।  चौधरीले राज्य कोषबाट प्राप्त अनुदान   उपचारमा खर्च नभएकाले फिर्ता गर्ने बताएकी छन् ।

उनले फेसबुकमा लेखेकी छिन्, ‘‘कोही सिटामोलको अभावमा मर्नुपर्ने र कसैले दोहोर्‍याएर सहयोग लिइरहने अवस्थामा मैले रकम फिर्ता गर्नु कुनै महान् काम होइन ।’’ उनले आफ्नो उपचारका लागि प्राप्त अन्य रकम पनि फिर्ता गर्ने जनाएकी छिन् ।

देब्रे स्तन र पाठेघरको क्यान्सरबाट पीडित चौधरीको दिल्लीको राजीव गान्धी क्यान्सर अस्पतालमा अपरेसन भएको थियो । कम्लहरी  पृष्ठभूमीकी पूर्वसभासद् चौधरीलाई सरकारले पहिलो पटक सात लाख दिएको थियो भने विभिन्न क्षेत्रबाट थप सहयोग प्राप्त भएको थियो ।

उनले अपरेसन सफल भएको र नियमित औषधि खान आफ्नो श्रीमानले  साउदी अरबमा कमाएको पैसाले पुग्ने अनुमान गरेकी छिन् ।

प्रतिकृया दिनुहोस