थप समाचारबिहीबार, फाल्गुण २१, २०७१
११७ की भइन संसारकी जेठी महिला
विश्वकै सबैभन्दा बृद्ध व्यक्ती जापानकी महिलाले आफ्नो ११७ औं जन्मदिन मनाएकी छन् ।
मिसाओ ओकावा नामकी यि महिलाको जन्म ५ मार्च १८९८ मा जापानको ओसाकामा भएको थियो । जन्मदिन भन्दा एकदिन अघि मनइएको पारिवारिक समारोहमा उनले ११७ वर्ष त्यती लामो समय आफूलाई नलागेको बताइन् ।
ओसाकास्थित नर्सिंग होम (बृद्धबृद्धाको हेरचाह गरिने ठाउँ) मा बस्ने उनी अचेल केही सुस्त भएको र उनलाई सुन्न केही समस्या हुने गरे पनि उनको स्वास्थ्य र खानपान ठिक रहेको त्यहाँका कर्मचारीले बताएका छन् ।
जापानको परम्परागत पोशाक ‘किमोनो’ बनाउने घरमा जन्मेकी मिसाओको सन् १९१९ मा विवाह भएको थियो भने सन् १९३१ मा पतिको मृत्यु भएको थियो ।
उनका ६ जना पनाति–पनातिनीसहित दुई छोरी, एक छोरा र ४ नाति–नातिनी छन् ।
सन् २०१३ मा ‘गिनिज बुक अफ वल्र्ड रेकर्ड’ ले उनलाई औपचारिक रुपमा विश्वकै सबैभन्दा जेठी व्यक्तिको मान्यता दिएको थियो ।
बीबीसीबाट