जिल्ला प्रहरी कार्यालय म्याग्दीमा कार्यरत एक ट्राफिक प्रहरी जवान सात दिनदेखि सम्पर्कविहीन भएका छन् ।

गत २० फागुनदेखि बेपत्ता प्रहरी जवान युवराज पौडेलको अवस्था अझै अज्ञात रहेको जिल्ला ट्राफिक कार्यालय प्रमुख विकास तिमिल्सिनाले बताए । “हामीले धेरै ठाउँमा खोजी गरे पनि पत्ता लागेको छैन । दिनभर सम्पर्कमा हुनुहुन्थ्यो”, उनले भने ।

बागलुङ अधिकारीचौर घर भएका पौडेलका बारेमा आफन्तले समेत खोजी गरिरहेका छन् । खोजी गर्ने क्रममा प्रहरीले कालीगण्डकी नदीमा पौडेलका दुईथरी चप्पल फेला पारेपछि आत्महत्याको आशङ्का गरेपनि थप प्रमाणहरु फेला परेको छैन । रासस

प्रतिकृया दिनुहोस