-सुरजकुमार भुजेल, मकवानपुर

थाहा नगरपालिका–७, मकवानपुरस्थित सेती गणेश निमाविका नौ बर्षीया विद्यार्थीलाई बलात्कार गरेको अभियोग लागेका शिक्षकलाई हदैसम्मको कार्बाहीको माग गर्दै प्रदर्शन गरिएको छ ।

आफ्नै विद्यार्थीलाई पटक–पटक बलात्कार गरेको अभियोगमा विद्यालयका शिक्षक दिनेश सुवेदीलाई २७ फागुनमा प्रहरीले नियन्त्रणमा लिएको छ । छात्रा विद्यालय जान नमानेपछि बलात्कारको रहस्य खुलेको थियो ।

विद्यार्थीका अभिभावक र स्थानीयले आक्रोसित प्रदर्शन निकालेपछि सुरक्षा व्यवस्था कडा पारिएको छ । अभियुक्त शिक्षकलाई भने २९ फागुन विहानै जिल्ला प्रहरी कार्यालय पठाइएको प्रहरी निरीक्षक विश्वराज सिंह थापाले बताए ।

जुलुससहितको प्रदर्शनलाई नियन्त्रणमा लिन प्रहरीले हवाई फायर समेत गरेको थियो ।

प्रतिकृया दिनुहोस