सप्तरीको बसबिट्टी गाविसमा कार्यरत सचिव नवीन राई मृत अवस्थामा फेला परेका छन् ।

२८ चैत राति खाना खाएर गाविस कार्यालयमै सुतेका ३४ बर्षीय राई २९ चैत बिहान मृत फेला परेको प्रहरीले जनाएको छ ।

खोटांगको विजयखर्कका राईको अत्यधिक मदिरा सेवनबाट मृत्यु भएको हुनसक्ने प्रहरीको अनुमान छ ।

जिल्ला प्रहरी कार्यालयका प्रबक्ता एवं डिएसपी नारायण चिमरियाले राई सुतेको कोठामा अत्यधिक उल्टी गरेको फेला परेको र कोठाबाट रक्सीको गन्ध आएकोले उनको मृत्युको कारण अत्यधिक मदिरा सेवन हुनसक्ने अनुमान गरिएको बताए ।

मृतकको शवलाई पोष्टमार्टमका लागि अंचल अस्पताल लगिएको छ ।
श्रवणकुमार देव, सप्तरी

प्रतिकृया दिनुहोस