गोली लागेर घाइते भइ अस्पतालमा भर्ना भएका व्यापारी महेश कदमिया ।

वीरगञ्ज–७  स्थित किसनलाल कपडा पसलका साहु ४९ वर्षीय महेश कदमियामाथि २९ चैत साँझ अपरिचित व्यक्तिले बम र गोली प्र्रहार गरेका छन् ।

४९ वर्षीय कादमिया आफनो पसलमा बसिरहेको बेला भिखारी जस्ता देखिने अपिरिचितले भिरिरहेको झोलाबाट झिकेर २ वटा सुतली बम प्रहार गरेका थिए । तर, दुईवटै बम नपडकिएपछि उसले बन्दुक निकालेर फायर गरेको प्रत्यक्षदर्शीले बताएका छन् ।

कदमियाको दाहिने तिघ्रामा गोली लागेको छ । उनको उपचार स्थानीय नारायणी उपक्षेत्रीय अस्पतालममा भईरहेको र अवस्था सामान्य रहेको चिकित्सकले बताएका छन् ।

बम र बन्दुक प्रहार गर्ने व्यक्तिलाई स्थानियवासीले पक्राउ गरी प्रहरीलाई बुझाए पनि उक्त व्यक्तिको परिचय खुल्न सकेको छैन । बम प्रहार गर्ने व्यक्तिलाई अर्को एकजनाले सडकमा मोटरसाइकलसहित कुरेर बसेकोमा स्थानीयले समात्न खोजेपछि मोटरसाइकल छोडेर भाग्न सफल भएको बताइएको छ ।

प्रहरीले भारतीय नम्बर प्लेटको उक्त मोटरसाइकल बरामद गरेको छ भने पक्राउ परेकाको साथबाट पेस्तोल र गोलीसमेत बरामद भएको छ ।

पक्राउ परेकालाई जिल्ला प्रहरी कार्यलयमा राखी अनुसन्धान भईरहेको प्रहरी नायब उपरीक्षक वीरबहादुर ओलीले जनकारी दिए । प्रहरीले उक्त व्यक्तिको परिचय खुलाएको छैन ।

विष्फोट नभएको सुतली बम नेपाली सेनाले निष्क्रिय पारेको छ ।
जियालाल साह, वीरगञ्ज

प्रतिकृया दिनुहोस