अमेरिकाको सन फ्रान्सिस्कोमा आयोजना हुने ‘ग्लोबल फिल्म फेस्टिभल’ का लागि प्रकाश थापा ग्लोबल टीम लिडर मनोनित भएका छन् ।

थापा गोर्खा ईन्टरनेशनल ग्रुप, अमेरिकाका सञ्चालक अध्यक्ष तथा ईन्टरनेशनल तेक्वान्दो प्रशिक्षक हुन् ।

सामाजिक काममा समेत आफूलाई क्रियाशील राखेका थापाले नेपाली चलचित्रहरुलाई फेस्टिभलमा राख्न सक्दो प्रयास गर्ने बताउँदै थपे, “नेपाली चलचित्रहरुलाई ईन्टरनेशनल मार्केटमा चिनाउन आवश्यक छ ।”

ग्लोबल फेस्टीभलको प्रेसिडेन्ट डा रोमेश झाप्रा र कोअर्डिनेटर डा सन्नी खुर्रमले थापालाई टीममा स्वागत गरेाक थिए ।

थापासँगै मनोनित हुनेहरुमा साउथ ईन्डियाका भावना भनम, चीनका डाईजी चु, भियतनामका डेब्बी न्घिम, फिजीका हनिफ कोया, अमेरिकाका जोडी र डेभिड रोसादो, पर्सियाका लिडा महांगे, रुसका मारिया मिलोभिडोभा, ब्राजिलका माउरो नेपोमुसेनो लगायत छन् ।

क्यालिफोर्नियाको सान फ्रान्सिस्को शहरमा बिगत २१ बर्ष देखि ग्लोबल फिल्म फेस्टीभल बर्षेनी आयोजना हुँदै आएको छ ।

यस बर्षको २३औ एसएफ मूभी फेस्ट अगस्टमा हुने थापाले जानकारी गराएका छन् ।

ङिमा पाख्रिन, अमेरिका

प्रतिकृया दिनुहोस