तेह्र वर्षीया किशोरीलाई बलात्कार गरेको अभियोगमा काठमाडाैं लाजिम्पाटका नीलकण्ठ महर्जन पक्राउ परेका छन् ।

किशोरीको सहमतिमा आफूहरुबीच शारीरिक सम्बन्ध भएको बयान अभियुक्त महर्जनले दिएको हनुमानढोकास्थित महानगरीय प्रहरी परिसर प्रवक्ता विश्वराज पोखरेलले बताए ।

सोह्र वर्ष मुनिकालाई सहमतिमा करणी गरे पनि बलात्कार मानिने भएकाले अभियुक्त महर्जनविरुद्ध जबरजस्ती करणीको कसुरमा पक्राउ गरिएको उनले बताए ।

गत २१ चैतदेखि उनीहरुबीच शारीरिक सम्बन्ध कायम रहेको किशोरीका बाबुले थाहा पाएपछि उनले प्रहरीमा उजुरी गरेका थिए । रासस

प्रतिकृया दिनुहोस