खेलकुदआइतबार, जेठ १७, २०७२
नेपाली क्रिकेटर मनिता अमेरिकी टोलीमा अनुबन्धित
नेपाली राष्ट्रिय टोलीकी पूर्व सदस्य मनिता गौतम अमेरिकाको क्रिकेट टिममा अनुबन्धित भएकी छिन् ।
नेपाली महिला क्रिकेट टोलीबाट तीन बर्ष खेलेकी मनिता अमेरिकाको क्यालिफोर्नियामा रहेको युएसए बाका फायरबर्ड क्लबमा अनुबन्धित भएकी हुन् ।
फायरबर्ड क्लबको टोलीबाट मनिताले तीन खेल खेलिन् । उनको टालीको न्युयोर्कको ब्रुकलिनस्थित ३३९ गेटवे मैदानमा खेल भएको थियो ।
उनले उक्त क्लबबाट क्षेत्रीय प्रतियोगिता खेलेकी थिइन् । यसमा उनको राम्रो प्रदर्शनका कारण अमेरिकाकै राष्ट्रिय टोलीमा समेत सहभागी हुने अवसरसमेत मिल्न सक्ने प्रशिक्षक सुनिल लामा बताउछन् ।
उनको टोलीले अमेरिकामा पहिलो खेल न्युयोर्क रिजन र दोस्रो खेल लेगासी सिसीसँग खेलेको थियो । अमेरिकाबाट पहिलो पटक क्रिकेट खेलेकी अलराउन्डर मनिताले सन् २०११ मा एसिसी महिला सिनियर टिममा रहेर कुबेतमा खेलेकी थिइन् । मनिताको बलिङ र ब्याटिङ दुवै उत्कृष्ट रहेको छ ।
चितवनको भरतपुरमा जन्मेर त्यहीबाट क्रिकेट प्रशिक्षक सुनिल लामा, राजु खड्काबाट क्रिकेट खेल्न सुरु गरेकी गौतम नेपाली महिला टोलीकी भरपर्दो खेलाडी थिइन् ।
प्रतिकृया दिनुहोस
ताजा अपडेट
हिमालखबर जनमत
