खेलकुदशुक्रबार, आषाढ ११, २०७२
एएफसी यू-१६ र यू-१९ को तालिका सार्वजनिक
एशियाली फुटबल महासङ्घ (एएफसी) ले एएफसी १६ वर्षमुनि र १९ वर्षमुनिको छनोट चरणको फुटबल खेल तालिका सार्वजनिक गरेको छ ।
आगामी सेप्टेम्बर १६ देखि २० तारिखसम्म किर्गिस्तानको विस्केकमा हुने १६ वर्षमुनिको खेलमा नेपाल समूह ‘बी’ मा रहेको छ । नेपालको समूहमा ओमान, किर्गीस्तान र जोर्डन छन् ।
नेपालले आफ्नो समूहको पहिलो खेल सेप्टेम्बर १६ मा जोर्डनसँग खेल्नेछ । दोस्रो खेल सेप्टेम्बर १८ मा आयोजक राष्ट्र किर्गीस्तान र सेप्टेम्बर २० मा ओमानसँग खेल्नेछ ।
यू–१९ को पनि तालिका आयो
त्यस्तै, १९ वर्षमुनिको खेल अक्टोबर २ देखि ६ सम्म इरानको मसादमा हुँदैछ, जसमा नेपाल समूह ‘इ’ मा रहेको छ । नेपालको समूहमा इरान, कुवेत र जोर्डन छन् ।
यस समूहमा नेपालले पहिलो खेल २ अक्टोबरमा इरान, अक्टोबर ४ मा कुवेत र अक्टोबर ६ मा जोर्डनसँग खेल्नेछ । १९ वर्षमुनिको खेलमा कुल १६ राष्ट्रले प्रतिस्पर्धा गर्नेछन्, यसमा बहराइन भने आयोजक राष्ट्र भएकाले यसअघि नै छनोट भइसकेको छ ।
यसअघि सन् २०१४ मा कतारले दक्षिण कोरियालाई १–० ले पराजित गर्दै उपाधि जितेको थियो ।
त्यसैगरी, १६ वर्ष मुनिको समूहमा १६ टोलीले प्रतिस्पर्धा गर्नेछन् ।
प्रतिकृया दिनुहोस
ताजा अपडेट
हिमालखबर जनमत
