ट्वान्टी–ट्वान्टी विश्वकप छनौट प्रतियोगितामा लगातार दुई खेल जित्दै समूहको शीर्ष स्थानमा रहेको आयरल्याण्डसँग नेपाल अहिले केही समयपछि भीड्दैछ ।

गृहमैदानमा खेलिरहेको आयरल्याण्डसँग दोस्रो स्थानमा रहेको नेपालले अहिले ७ बजेबाट प्रतिश्पर्धा गर्नेछ । एक खेल जीत र एक खेलमा अंक बाँडेको नेपाल समूह ‘ए’तर्फ ३ अंकका साथ दोस्रो स्थानमा छ ।

समूहतर्फको बलियो प्रतिद्वन्द्वी मानिएको आयरल्याण्डसँग जित्न सके नेपाललाई समूह विजेता बन्न सहयोग पुग्नेछ । नपालका कप्तान पारस खड्काले आयरल्याण्ड बलियो भएपनि आफूहरुले नडराएको प्रतिक्रिया दिएका छन् ।

आयरल्याण्डसँग नेपालको यो पहिलो औपचारिक खेल हो । यसअघि, अभ्यास खेलमा नेपाल ५ विकेटले आयरल्याण्डसँग पराजित भएको थियो ।

प्रतिकृया दिनुहोस