नेपाली कांग्रेस कालीकोट जिल्लाको छैटौँ जिल्ला अधिवेशनबाट जिल्ला सभापतिमा हर्षबहादुर बम निर्वाचित भएका छन् ।

आज बिहान सम्पन्न मतगणनाबाट कुल मत २७२ मध्ये बमले १४४ मत प्राप्त गरी विजयी भएका छन् भने उनका प्रतिद्वन्द्वी कालीबहादुर सहकारीले १२८ मत प्राप्त गरे ।

त्यस्तै जिल्ला सचिवमा नन्दबहादुर सिंह विजयी भएका छन् भने उपाध्यक्षमा मनराज शाही ।

त्यसैगरी महाधिवेशन प्रतिनिधिहरु खुल्लातर्फ मोतीराज बम, मानबहादुर रोकाय, दानबहादुर बम, हिक्मत विष्ट विजयी भए ।

महिलामा धर्मा शाही, दलितबाट कर्णवीर टमटा, जनजातिबाट भीम लामालगायत ११ जना निर्वाचित भएको जिल्ला निर्वाचन अधिकृत देवेन्द्र शर्माले जानकारी दिए ।

प्रतिकृया दिनुहोस