एन्फा अनुशासन समितिको १५ माघमा बसेको बैठकले मध्यपुरका अध्यक्ष तथा प्रशिक्षक उपेन्द्रमान सिंहसहित सात पदाधिकारीलाई समेत कारवाही गर्ने निर्णय गरेको छ । सहायक प्रशिक्षक अर्जुनप्रसाद श्रेष्ठ, टीम म्यानेजर मनोज अधिकारी, अष्टकुमार कवे, विनोद श्रेष्ठ, सुनिल श्रेष्ठ र तुयुकाजी सिन्केमानलाई १५ माघ २०७० सम्म फुटबल सम्बन्धी कुनै पनि गतिविधि गर्न नपाउने गरी प्रतिबन्ध लगाइएको एन्फाले जनाएको छ ।

१० माघमा हिमालयन शेर्पासँगको खेलमा रेफ्रिले पेनाल्टी नदिएको विरोधमा मध्यपुरका पदाधिकारीले रंगशालामा तोडफोड गरेका थिए ।

पहिलो पटक ए डिभिजन लिग खेलेको मध्यपुरले १३ अंक जोडे पनि रेलिगेसनमा परेको थियो । एनसेल कप र सफल पोखरा कपमा आशा लाग्दो प्रदर्शन गरेको मध्युपरको भविष्य एन्फाको कारवाहीसँगै अन्यौलग्रस्त बनेको छ ।

प्रतिकृया दिनुहोस