भारतका विभिन्न सहरमा नेपालीमाथि आक्रमण भएको कुनै सूचना नआएको भन्दै मन्त्रालयका प्रवक्ता अर्जुनबहादुर थापाले नयाँदिल्लीस्थित नेपाली दूतावासका अधिकारीहरुसँग निकट सम्पर्कमा रहेर पछिल्ला घटनाक्रम एवम् वस्तुस्थितिबारे निरन्तर जानकारी लिइरहेको बताए । उत्तरपूर्वी भारतका नागरिकलाई लक्षित गरेर केही घटना भएका बताउँदै उनले हुलहुज्जतबाट टाढा रहन र सतर्कता अपनाउन नेपाली विद्यार्थीलगायत सबैलाई आग्रह गरे ।

समूहमा हिँड्न र साथमा परिचयपत्र अनिवार्यरुपमा राख्न विद्यार्थीलगायत सबै नेपालीलाई सुझाव दिँदै थापाले नेपालीहरुको सुरक्षाका लागि भारत सरकारसँग अनुरोध समेत गरिएको बताए । उत्तरपूर्वी आसाममा केही महिनाअघि भएको जातीय िहंसाको प्रतिशोध उत्तरपूर्वी भारतीय राज्यका नागरिकसँग लिने हल्ला चलेपछि नेपाली नागरिकमा पनि आक्रमणको त्रास बढेको थियो ।

प्रतिकृया दिनुहोस