खेलकुदबुधबार, बैशाख ३१, २०७१

विनोद भण्डारी चम्किदाँ सगरमाथा लिजेण्ड्सको जीत

हिमालखबर

धनगढीमा शुरु भएको एनपीएल क्रिकेटमा सगरमाथा लिजेण्ड्सले कप्तान विनोद भण्डारीको ९८ रन मद्दतले जीत आत्मसाथ गर्‍यो । ३१ बैशाखमा भएको खेलमा सगरमाथा लिजेण्ड्सले राष्ट्रिय टीमका कप्तान पारस खड्काको विशाल वारियर्सलाई हराएको हो ।

टस हारेर ब्याटिङ्गको निम्तो पाएको सगरमाथा लिजेण्ड्सले ४९.३ ओभरमा सबै विकेट गुमाएर २४२ रन बनाएको थियो । विनोद भण्डारीले ७१ बलमा ९८, शंकर रानाले ३०, रुपेश श्रीवास्तवले १६, सुनिल धमलाले १६, राहुल विश्वकर्माले १५ र अनिल मण्डलले १० रनको योगदान गरे ।

विशाल वारियर्सका रामनरेश गिरीले ३, सुशान भारीले २, यज्ञमान कुमालले २ र पारस खड्काले १ विकेट लिए ।

२४३ रनको लक्ष्य पछ्याएको विशाल वारियर्सले ३३.३ ओभरमा सबै गुमाएर १३५ रन मात्र बनायो । उसका लागि राजु रिजालले सर्वाधिक ३७, मञ्जित श्रेष्ठले ३४, पारस खड्काले २२ र सुमित श्रेष्ठले १६ रन बनाए ।

सगरमाथा लिजेण्ड्सलका लालबहादुर अधिकारीले ३, निश्चल पाण्डेले ३, चन्द्र साउदले २ र मेहबुब आलमले २ विकेट लिए ।

१ जेठको खेलमा विशाल वारियर्स तथा कलर्स एक्स फ्याक्टर्स र जगदम्बा जाइन्टस् तथा सगरमाथा लिजेण्ड्स भिड्दैछन् ।

दीपेन्द्र सापकोटा, धनगढी

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...
हिमालखबर जनमतको अन्तिम नतीजा साप्ताहिक खबरपत्रिका हिमाल को आगामी अंकमा प्रकाशित गरिनेछ ।*/?>