खेलकुदशनिबार, भाद्र ३०, २०६९
क्युपीआर र चेल्सीको म्याच अघि हात मिलाउने
गत सिजन २३ अक्टोबरमा सोही मैदानमा चेल्सी कप्तान जोन टेरीले क्युपीआरका डिफेन्डर एन्टोन फर्डिनान्डलाई रङ्ग्भेदी शब्दहरु प्रयोग गरेका कारण उत्पन्न तनावपछि दुई खेल (एफए कप चौथो चरण र २९ अप्रिलको प्रिमियर लिग) मा हात मिलाउने कार्यक्रम रद्द गरिएको थियो । टेरी (गोलिगाँठो) र फर्डिनान्ड (काँध) चोटबाट निको भैसके पछि शनिबार फेरी एक-अर्काविरुद्ध आमने-सामने हुनेछन् ।
आफ्ना अन्तरराष्ट्रिय खेलहरुमा सामान्य घाइते भएका म्यान्चेस्टर युनाइटेडका शिन्जी कागावा र रोबिन भान पर्सीले शुक्रबार प्रशिक्षणमा भाग लिएपछि व्यवस्थापक सर एलेक्स फर्गुसन यी दुबै विगन विरुद्धको खेल खेल्नेमा आशावादी छन् । युनाइटेडका रायन गिग्सले भोलि ६०० औँ प्रिमियर लिग खेल खेल्न सक्ने छन् भने पल स्कोल्सले युनाइटेडका लागि ७०० औँ तथा रियो फर्डिनान्डले ४०० औँ खेलको उपलब्धि पाउने दाउमा छन् ।
त्यस्तै तीन खेलमा एक गोल पनि नखाँदै ५ अंक जोडेको आर्सनलले एमिरेट्स रङ्गशालामा अंक विहिन साउथम्प्टनको आतिथ्य गर्नेछ । साविक विजेता म्यान्चेस्टर सिटी ७ अंक सहित चौथो स्थानमा छ र उसले ब्रिटानिया रङ्गशालामा स्टोक सिटी विरुद्ध खेल्नेछ । अन्य खेलहरुमा जित विहिन एस्टन भिल्लाले दोस्रो स्थानको स्वान्सीसँग तथा १८ औँ स्थानको लिभरपुलले सन्डर्लन्डसँग खेल्नेछन् ।
३१ भदौ बेलुकी खराब फर्ममा रहेको १४ औँ स्थानको टट्न्हमले उ भन्दा दुई स्थान तलको रेडिङसँग प्रतिस्पर्धा गर्दा एक खेल पनि जित्न नसकेका आन्द्रे वियास बोआस दवाबमा हुनेछन् । गत सिजन चौथो भएको स्पर्स्ले वियास बोआसले व्यवस्थापन सम्हालेयता केहि महत्त्वपुर्ण खेलाडीहरु बेचेको थियो ।
चौथो चरण (गेमवीक फोर) का खेल समय
३० भदौ
नर्विच सिटी – वेस्ट ह्याम युनाइटेड (साँझ ५:३०)
एस्टन भिल्ला – स्वान्सी (बेलुकी ७ :४५)
म्यान युनाइटेड – विगन (बेलुकी ७ :४५)
स्टोक सिटी – म्यान सिटी (बेलुकी ७ :४५)
आर्सनल – साउथम्प्टन (बेलुकी ७ :४५)
फुल्हम – वेस्ट ब्रोम (बेलुकी ७ :४५)
क्यु. पी. आर – चेल्सी (बेलुकी ७ :४५)
सन्डर्लन्ड – लिभरपुल (राति १०:१५)
३१ भदौ
रेडिङ्ग – टट्न्हम (राति १२:४५)
असोज १ गते सोमबार
एभर्टन – न्युकासल (बेलुकी ८:४५)
प्रतिकृया दिनुहोस
ताजा अपडेट
हिमालखबर जनमत
