अनिल मण्डल र शक्ति गौचन

नेपालले सन् १९९८ यता युएइलाई पहिलो पटक हराएको हो । सारजाह क्रिकेट स्टेडियममा १७ असोजमा भएको खेलमा युएइले प्रस्तुत गरेको १३४ रनको लक्ष्य नेपालले ४ ओभर बाँकी छँदै ६ विकेट क्षतीमा पुरा गर्‍यो । नेपालका लागि अनिल मण्डलले १२९ बलमा ६३ रन जोडेका थिए ।

टस जितेर पहिलो ब्याटिङ रोजेको युएईलाई कसिलो बलिङ गर्दै १३३ रनमा समेटे पनि नेपाली इनिङको शुरुवात एकदमै खराब थियो । ११ रनमा ३ विकेट गुमाईसकेको अवस्थामा ओपनर अनिल मण्डलले शरद भेषवाकर र प्रदीप ऐरीसँग राम्रो साझेदारी गर्दै नेपाललाई ५ विकेटको क्षतीमा ११२ रनको स्थितिमा पुर्‍याएका थिए । व्यक्तिगत ६३ रनमा अरसद अलिको बलमा अनिल क्याच आउट भएपछि अण्डर १९ टीमका क्याप्टेन पृथु बास्कोटा(१५)ले शक्ति गौचन(८)सँग २२ रनको साझेदारी गर्दै नेपाललाई विजय लक्ष्यमा पुर्‍याए ।

शक्ति गौचनले ५, बसन्त रेग्मीले ३ तथा पारस खड्का र अनिल भट्टराईले एक/एक विकेट लिएका थिए ।

समूह बीमा रहेको नेपालले २० असोजमा कुवेत, २१ असोजमा साउदी अरेबिया र २३ असोजमा हङकङसँग खेल्नेछ ।

प्रतिकृया दिनुहोस