दोलखामा २७ असारमा आयोजित पत्रकार सम्मेलनमा बोल्दै नेकपा–माओवादीका महासचिव रामबहादुर थापाले विदेशी शक्तिले आफूले चाहेजस्तो संविधान बनाउनका लागि पार्टी फुटाएको बताएका छन् ।

उनले नेत्रबिक्रम चन्दले पार्टी विभाजन गरेको अस्वभाविक र अनौठो रहेको प्रतिक्रिया दिंदैे विभाजन बैचारिक र राजनीतिीक नभएको आरोप लगाए ।
थापाले सत्तासाझेदार दलहरुको आपसी कलहकै कारण ८ माघमा संविधान जारी हुने अवस्था नरहेको दाबी गरे ।

उनले सत्तासाझेदार दलहरु संविधानको लागि नभई सत्ताका झगडा गरेको पनि आरोप लगाए । उनले भने, “ ८ माघमा संविधान हैन नयाँ सरकार चाहिँ बन्न सक्छ ।”

एमाओवादीसँग एकताका लागि प्रयास भइरहेको पनि खुलासा गरे । उनले भने, “हामीले एमाओवादीसँग एकताको लागि ६ बुँदे प्रस्ताव राखेका छांै, त्यसमा पाँच बुँदामा सहमति भै सकेको छ तर एउटा बुँदामा भने अझै सहमति हुन सकेको छैन ।”

थापाले अहिलेको राजनीतिक निकास बृहत राजनीतिक सभामात्र रहेको बताएका थिए ।
सर्मिला बुढाथोकी/दोलखा

प्रतिकृया दिनुहोस