पूर्व–पश्चिम राजमार्ग अन्तर्गत झापाको तोपगाछी सडकखण्डमा बसको ठक्करबाट १२ वर्षीय बालकको मृत्यु भएको छ भने २८ जना घाइते भएका छन् ।

काँकरभिट्टाबाट यात्रु लिएर विराटनगरतर्फ जाँदै गरेको मे १ ख ९१६ नम्बरको यात्रुबाहक बसले साइकलमा चढी विद्यालय जाँदै गरेका शहीद धर्मभक्त उमावी तोपगाछी, कक्षा ८ का छात्र सेवन बानियाँलाई ठक्कर दिँदा बानियाँको घटनास्थलमै मृत्यु भएको इलाका प्रहरी कार्यालय दमकले जनाएको छ ।

बसको ठक्करबाट सेवनसँगै साइकलमा सवारी उनकी १५ वर्षीया दिदी सेलिनासमेत गम्भीर घाइते भएकी छन् ।

तीव्रगतिमा रहेको उक्त बसका चालकले विद्यालय छेउमा साइकल चढेका छात्रछात्राको हुल देखेर अत्तालिंदा नियन्त्रण गुमाई पल्टिएको प्रहरीले जनाएको छ ।
गोपाल गड्तौला, झापा

प्रतिकृया दिनुहोस