खेलकुदबिहीबार, फाल्गुण १४, २०७१

नेपालीलाई सघाउँदै मेसी

हिमालखबर

messiअर्जेन्टिनी फूटबल टोलीका कप्तान एवं बार्सिलोना क्लबका स्ट्राइकर लियोनल मेसीले नेपाली बालबालिकाका लागि सहयोग जुटाइरहेका छन्।

बार्सिलोना फाउण्डेसन, रिच आउट टु एशिया (रोटा) र संयुक्त राष्ट्रसंघीय बालकोष (युनिसेफ) को संयुक्त पहलमा ‘वान इन इलाभेन’ कार्यक्रम अन्तर्गत रकम संकलन गरिएको हो। अभियानमा मेसीसँगै टेनिस खेलाडी सेरेना विलियम्स पनि सहभागी छिन्।

विश्वमा प्रत्येक ११ मध्ये १ बालबालिकाले मात्रै विद्यालय जाने अवसर पाएको भन्दै ‘वान इन इलाभेन’ अभियान थालिएको हो।

युनिसेफका अनुसार विद्यालय जाने उमेरका विश्वका ६ अर्ब पाँच करोड बालबालिकामध्ये पाँच करोड ८० लाखले मात्रै विद्यालय टेकेका छन्।

युनिसेफ नेपालकी सञ्चार अधिकृत शर्मिना मानन्धर संकलित रकम १० जिल्लाका अति विपन्न, द्वन्द्व प्रभावित, आदिवासी र अपाङ्गता भएका बालबालिकाको शिक्षामा खर्च गर्नेबारे सरकारसँग कुराकानी भइरहेको बताउँछिन्। सहयोग रकम नेपालसँगै बंगलादेश र इन्डोनेसियाले समेत पाउने छन्।

साप्ताहिक खबरपत्रिका हिमालबाट

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...
हिमालखबर जनमतको अन्तिम नतीजा साप्ताहिक खबरपत्रिका हिमाल को आगामी अंकमा प्रकाशित गरिनेछ ।*/?>